Advertisements
|
ജര്‍മനി അതിര്‍ത്തി നിയന്ത്രണം നീട്ടി പരിശോധന കര്‍ശനമാക്കി
ജോസ് കുമ്പിളുവേലില്‍
ബര്‍ലിന്‍: ജര്‍മ്മനിയിലേയ്ക്കുള്ള ക്രമരഹിതമായ കുടിയേറ്റം തടയാന്‍ അതിര്‍ത്തി നിയന്ത്രണം നീട്ടാന്‍ സര്‍ക്കാര്‍ തീരുമാനിച്ചു. നിലവില്‍ പരിശോധന ശക്തമാക്കതിന്റെ വെളിച്ചത്തില്‍ പോലീസ് നഗരങ്ങളിലെ സംശയാസ്പദമായ അപ്പാര്‍ട്ടുമെന്റുകളിലും വീടുകളിലും തിരച്ചില്‍ നടത്തുകയും ആളുകളെ കള്ളക്കടത്തിനെതിരെ അതിര്‍ത്തി പരിശോധന നടത്തുകയും ചെയ്യുന്നുണ്ട്. രാജ്യത്തേക്കുള്ള ക്രമരഹിതമായ കുടിയേറ്റം തടയുന്നതിനായിട്ടാണ് രാജ്യത്തിന്റെ എല്ലാ അതിര്‍ത്തികളിലേക്കും താല്‍ക്കാലിക നിയന്ത്രണം വ്യാപിപ്പിക്കുമെന്ന് സര്‍ക്കാര്‍ വൃത്തങ്ങള്‍ തിങ്കളാഴ്ച അറിയിച്ചത്. ഇസ്ലാമിസ്ററ് ഭീകരവാദവും അതിര്‍ത്തി കടന്നുള്ള കുറ്റകൃത്യങ്ങളും ഉയര്‍ത്തുന്ന നിലവിലെ ഭീഷണികളില്‍ നിന്ന് ആഭ്യന്തര സുരക്ഷ സംരക്ഷിക്കുക'' എന്നതാണ് ലക്ഷ്യം.നിരവധി ഇസ്ളാമിക ആക്രമണങ്ങള്‍ക്ക് ശേഷം കുടിയേറ്റക്കാരുടെ എണ്ണം നിയന്ത്രിക്കുന്നതിനും തീവ്രവാദികളെ അടിച്ചമര്‍ത്തുന്നതിനുമുള്ള സമ്മര്‍ദ്ദം ചാന്‍സലര്‍ ഒലാഫ് ഷോള്‍സിന്റെ സര്‍ക്കാര്‍ നേരിടുകയാണ്. കഠിനമായ നിരസിക്കലും വന്‍തോതിലുള്ള അതിര്‍ത്തി നിയന്ത്രണങ്ങളുമാണ് ലക്ഷ്യമിടുന്നതെന്ന് ഫെഡറല്‍ ആഭ്യന്തര മന്ത്രി നാന്‍സി ഫൈസര്‍ പറഞ്ഞു.സെപ്റ്റംബര്‍ 16 മുതല്‍ എല്ലാ ജര്‍മ്മന്‍ കര അതിര്‍ത്തികളിലും സമ്പൂര്‍ണ്ണ അതിര്‍ത്തി നിയന്ത്രണത്തിന് ഉത്തരവിട്ടിട്ടുണ്ട്.
കുടിയേറ്റക്കാരുടെ വലിയൊരു ഒഴുക്കിന്റെ ഫലമായി 2015 മുതല്‍ ഓസ്ട്രിയയുമായുള്ള അതിര്‍ത്തിയില്‍ ജര്‍മ്മനിക്ക് താല്‍ക്കാലിക നിയന്ത്രണങ്ങള്‍ ഉണ്ട്.
പോളണ്ട്, ചെക്ക് റിപ്പബ്ളിക്, സ്വിറ്റ്സര്‍ലന്‍ഡ് എന്നീ രാജ്യങ്ങളുടെ അതിര്‍ത്തികളില്‍ കഴിഞ്ഞ വര്‍ഷം കുടിയേറ്റത്തെക്കുറിച്ചുള്ള ആശങ്കകള്‍ വീണ്ടും വര്‍ദ്ധിച്ചതിനാല്‍ താല്‍ക്കാലിക നിയന്ത്രണങ്ങള്‍ ഏര്‍പ്പെടുത്തി.
ഫ്രാന്‍സ്, ലക്സംബര്‍ഗ്, ബെല്‍ജിയം, നെതര്‍ലാന്‍ഡ്സ്, ഡെന്‍മാര്‍ക്ക് എന്നിവയുമായും ജര്‍മ്മനിക്ക് കര അതിര്‍ത്തികളുണ്ട്.
27 യൂറോപ്യന്‍ യൂണിയന്‍ അംഗരാജ്യങ്ങളില്‍ 25 എണ്ണവും മറ്റ് നിരവധി രാജ്യങ്ങളും ഉള്‍പ്പെടുന്ന യൂറോപ്പിലെ ഷെങ്കന്‍ പ്രദേശം, അതിര്‍ത്തി നിയന്ത്രണങ്ങളില്ലാതെ അവയ്ക്കിടയില്‍ സൗജന്യ യാത്ര അനുവദിക്കുന്നു.
അതേസമയം കുടിയേറ്റത്തെച്ചൊല്ലിയുള്ള സ്ഫോടനാത്മകമായ ഒരു തര്‍ക്കം ജര്‍മ്മനിയെ ഭിന്നിപ്പിച്ചു എന്നുള്ള വാര്‍ത്തയും കഴിഞ്ഞ ദിവസങ്ങളില്‍ ഉയരുന്നുണ്ട്. തീവ്രവലതുപക്ഷ ആള്‍ട്ടര്‍നേറ്റീവ് ഫോര്‍ ജര്‍മ്മനി പാര്‍ട്ടി സെപ്തംബര്‍ 1 ന് രണ്ട് മുന്‍ കമ്മ്യൂണിസ്ററ് കിഴക്കന്‍ ജര്‍മ്മന്‍ സംസ്ഥാനങ്ങളില്‍ തെരഞ്ഞെടുപ്പില്‍ വിജയം കയ്യടക്കുകയും ചരിത്രപരമായ നേട്ടങ്ങള്‍ കൊയ്യുകയും ചെയ്തു, ഇനിയും ഒരു വര്‍ഷം കഴിഞ്ഞ് ദേശീയ തിരഞ്ഞെടുപ്പിന് തയ്യാറെടുക്കുകയാണ്.
യൂറോപ്പില്‍ പ്രത്യേകിച്ച് ജര്‍മനിയില്‍
ഐഎസ് സാന്നിദ്ധ്യം ശക്തം
യൂറോപ്പില്‍ പ്രത്യേകിച്ച് ജര്‍മനിയിലെ സോളിംഗന്‍, മ്യൂണിക്ക്, ലിന്‍സ് എന്നിവിടങ്ങളിലെ കൊലപാതകത്തിന്റെ വെളിച്ചത്തില്‍ ഐഎസ് ഭീകരതയുടെ തിരിച്ചുവരവ് ഉണ്ടായതായി വെളിപ്പെടുത്തല്‍. ഇസ്രയേല്‍ കോണ്‍സുലേറ്റിന് മുന്നില്‍ 18 കാരനായ ഓസ്ട്രിയന്‍ ഇസ്ളാമിസ്ററുകാരന്‍ നടത്തിയ ഇസ്രയേല്‍ കോണ്‍സുലേറ്റ് ആക്രമണപദ്ധതിയുള്‍പ്പടെ ഐഎസിന്റെ ഉദാഹരണങ്ങളായി ചൂണ്ടിക്കാണിയ്ക്കപ്പെടുന്നു. കഴിഞ്ഞ പത്ത് മാസത്തിനിടെ തീവ്രവാദികളെന്ന് സംശയിക്കുന്നവരില്‍ മൂന്നില്‍ രണ്ട് പേരും കൗമാരക്കാരാണെന്ന് തീവ്രവാദ ഗവേഷകര്‍ പറഞ്ഞു.
സോളിംഗന്‍, മ്യൂണിക്ക്, ലിന്‍സ് അം റെയിന്‍ എന്നിവിടങ്ങളില്‍ രണ്ടാഴ്ചയ്ക്കിടെ മൂന്ന് ഇസ്ളാമിക ആക്രമണങ്ങള്‍ ആണ് ഉണ്ടായത്. മൂന്ന് കുറ്റവാളികള്‍ക്കും ഭീകര സംഘടനയായ ഇസ്ളാമിക് സ്റേററ്റുമായി (ഐഎസ്) ബന്ധമുണ്ടായിരുന്നു എന്നും പൊലീസ് സ്ഥിരീകരിച്ചതും ഐസ് സാന്നിദ്ധ്യം ചൂണ്ടിക്കാട്ടിയാണ്. |
|
- dated 10 Sep 2024
|
|
|
|
Comments:
Keywords: Germany - Otta Nottathil - grenze_kontroll_germany_eu Germany - Otta Nottathil - grenze_kontroll_germany_eu,pravasi news,malayalam news portal,malayalam news from Europe,Gulf malayalam news,American malayalam news,Canadian malayalam news,Singapore malayalam news,Australia malayalam news,Newzealand malayalam news,Malayalees News Portal,Malayali News,News for Mallus,Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings. Pravasi Lokam - pravasionline.com- a pravasi malayalam news portal. Malayalam Pravasi news from Europe,Gulf malayalam news,American malayalam news,Canadian malayalam news,Singapore malayalam news, Australia malayalam news,Newzealand malayalam news,Inda and other countries. Covers topics - News headlines, Finance, Education, Sports, Classifieds, Current Affairs, Special & Entertainment News. Classifieds include Real Estate, Condolence, Matrimonial, Job Vacancies, Buy & Sell of products and services, Greetings.
|
Other News Titles:
|
|
Advertisements
|
